خواطر شعرية يكتبها لكم / فاطمة عبد الواسع
ياما نفسي اشوفك حتي لو بعيد لبعيد.
وتنطق شفايفنا اسماينا من جديد.
وانده اسمك من تاني كان بالنسبة لي
احلي الاسامي .
وكنت بنادي غيرك بيه حتي من كتر
ماناديته حببت الناس فيه.
ياما نفسي تلمس ايدك وشي
زي ماكنت بتعملها اول ماتشوفني .
ولا عنيا الي بتغرق لما تشوف عنيك .
واسمع حبيبي دلعك ليا الي كنت بتسمعه في أغنية .
وتفضل تشغلها في كل مكان
لحد ماعرفوا اسم حبيبتك وتقولي مش مهم فلان وفلان .
.ولا
طريقنا في عربيتنا الي ياما شاف احساس
ولا كلامنا ع المواضيع
والشغل والحكايات.
ولا خوفنا ع بعض في وقت تعبنا
بنحس ببعض ونفس الوجع بيوجعنا .
ساعتها حسينا أننا واحد وبرضه كمان
أما كان قلبنا بيرفرف في وقت واحد
وفي نفس نرن ع بعض مالك ياقلبي
اصل قلبي رفرف عليك وناداك
وانا من قلبي لبيت نداك .
ياما نفسي اشوفك تاني حتي لو من بعيد لبعيد.
يكفي نرتاح بلقانا وتهدي جروحنا
