خواطر شعرية تكتبها لكم فاطمة عبد الواسع
هو القلب ناقص وجع
لم هدومك والكلمتين
احنا عمرنا مش فاضل فيه عشم
والمستحيل الي عملناه عشانك
حولته جشع
والظروف الي رتبتعا ع مقاسك
مش هنرضي بيها أصل مهلهله حبتين
والرضا الي كان موجود ليك
في ثانية اتقلب لهجر وطيش
معلش أنا مش منجم ولا بعرف الغيب
والوصال هنقطعه مش قلة اصل مننا
عشان إشارتك سوده باهته
المشي فيها محظور هتفضل واقفة
ووصالك مع الوقت هيصبح معلول
وسماك مش هتمطر لينا خير
مادام ربطت سعادتنا بالغير
لم هدومك والكلمتين
وسيب ع وشنا الضحكتين
اصلهم كانوا من القلب صادقين
